ضلع بنوں میں سیکورٹی فورسز کے انٹیلی جنس بیسڈ آپریشن کے دوران ایک خارجی دہشتگرد ہلاک ہوگیا۔

سیکیورٹی ذرائع کے مطابق سیکیورٹی فورسز نے یہ آپریشن علاقے میں خوارج کی نقل وحرکت سے متعلق مصدقہ خفیہ اطلاعات کی بنیاد پر 'عزمِ استحکام' وژن کے تحت کیا۔

سیکیورٹی فورسز علاقے میں خوارج کی نقل و حرکت اور موجودگی پر کڑی نظر رکھے ہوئے ہیں۔

سیکیورٹی ذرائع کا کہنا ہے کہ سیکیورٹی فورسز کے آپریشنز دہشتگردوں کے نیٹ ورکس تباہ کرنے اور ان کی نقل و حرکت کو مفلوج کرنے میں انتہائی موثرثابت ہورہے ہیں۔

سیکیورٹی فورسز نے خیبر پختونخوا سے دہشت گردی کے خاتمے کیلئے اپنے غیر متزلزل عزم کا اعادہ کیا اور اس امر پر زور دیا کہ آخری دہشتگرد کے خاتمے تک کارروائیاں جاری رہیں گی۔