پاکستان نے بھارت کی کھلی جارحیت کے جواب میں جاری آپریشن بنیان مرصوص میں بھارت کے دفاعی اور عسکری اثاثوں کو شدید نقصان پہنچایا ہے۔

سیکیورٹی ذرائع کے مطابق بھارت سے پاکستانی عوام اور مساجد پر حملوں کیلئے استعمال ہونے والے تمام اڈوں کو نشانہ بنایا گیا ہے۔

پاکستان نے بیاس میں براہموس میزائل ذخیرہ کرنے کے ایک مقام اور پٹھان کوٹ کی ائیر فیلڈ کو تباہ کر دیا۔

ادھم پور ائر فیلڈ کو بھی نشانہ بنایا گیا جہاں سے بھارتی پنجاب کے شہر امرتسر میں سکھوں اور پاکستان میں دوسرے مقامات پر میزائل داغے گئے تھے۔

پاکستان کی مسلح افواج نے بھارتی بریگیڈ ہیڈ کوارٹرز کے۔ جی۔ ٹاپ جبکہ اڑی میں ایک سپلائی ڈپو کو بھی مکمل طور پر تباہ کر دیا۔

پاکستان کی مسلح افواج نے DEHRAN GYARI میں بھارت کے توپ خانے کو بھاری نقصان پہنچاکر اسے کھنڈر میں تبدیل کر دیا۔

ادھم پور میں پاک فضائیہ کے جے ایف 17 تھنڈر کے ہائپر سانک میزائلوں نے بھارت کے ایس۔ 400 سسٹم کو بھی تباہ کر دیا۔ ایس۔  400 فضائی دفاع کا نظام کی مالیت تقریباً ڈیڑھ ارب ڈالر ہے۔

بھارت کی SIRSI ایئر فیلڈ کو بھی تباہ کر دیا گیا ہے۔ اس ایئر فیلڈ کی تباہی کی تصدیق خود بھارتی ذرائع ابلاغ نے کی۔

راجوڑی میں انڈین ملٹری انٹیلی جنس ٹریننگ سینٹر کو بھی تباہ کر دیا گیا ہے جہاں سے پاکستان میں دہشت گردی کی منصوبہ بندی کی جاتی تھی۔

فتح ون میزائل سسٹم کے ذریعے متعدد بھارتی اہداف کو نشانہ بنایا گیا۔

بھارت کے اڑی فیلڈ سپلائی ڈپو اور بٹھنڈا کا ایئر فیلڈ بھی تباہ کر دیا گیا۔

پاکستانی فوج نے نیزہ پیر سیکٹر کے سامنے واقع بھارت کی دھرم سال ون، ڈنہ ون اور TABLE ٹاپ چوکیوں کو مکمل طور پر تباہ کر دیا۔

بھارت کے اکھنور ہوائی بیس، برنالہ ایئر فیلڈ اور بھارت کے غیر قانونی زیر قبضہ جموں و کشمیر میں بھمبر گلی میں واقع بھارتی فوج کے بریگیڈ ہیڈ کوارٹرز کو بھی تباہ کر دیا گیا۔

مقبوضہ جموں و کشمیر کے علاقے MANKOT میں ایک بھارتی توپ خانے کو بھی تباہ کر دیا گیا۔