وزیر اعظم محمد شہباز شریف نے خطے میں امن کے لئے فعال کردار ادا کرنے پر امریکی صدر ڈونلڈ ٹرمپ کا شکریہ ادا کیا ہے۔آج ایکس پر ایک پیغام میں انہوں نے کہا کہ پاکستان امریکہ کے اس اقدام کے نتائج کو سراہتا ہے جو اس نے علاقائی امن اور استحکام کے مفاد میں اٹھایا ہے۔وزیر اعظم نے کہا کہ یہ ان مسائل کے حل کی ایک نئی شروعات ہے جو خطے میں امن، خوشحالی اور استحکام کی جانب اس کے سفرکے راستے میں رکاوٹ تھے۔
