وزیر ریلوے حنیف عباسی اور گورنر خیبر پختونخوا فیصل کریم کنڈی کے درمیان اسلام آباد میں ملاقات کے دوران صوبے میں ریلوے نظام کو بہتر بنانے پر تبادلہ خیال کیا گیا۔
ملاقات میں صوبے بھر میں ریلوے کی سہولتوں کو جدید بنانے، مسافروں کیلئے بہتر خدمات کی فراہمی اور ریلوے کے مجموعی نظام کو مزید بہتر بنانے کی تجاویز کا جائزہ لیا گیا۔
دونوں رہنماؤں نے لنڈی کوتل ٹورسٹ ٹرین دوبارہ چلانے کے حوالے سے بھی تفصیلی گفتگو کی اور اسے سیاحت کے فروغ، مقامی معیشت کو مضبوط بنانے اور سیاحوں کوبہتر سفری سہولیات فراہم کرنے کا ایک اہم منصوبہ قرار دیا۔
