سکیورٹی فورسز نے بلوچستان کے اضلاع خاران اور واشک میں خفیہ اطلاعات کی بنیاد پرکی گئی کارروائیوں کے دوران بھارت کے حمایت یافتہ گیارہ دہشت گردوں کو ہلاک کر دیا۔

فوج کے شعبہ تعلقات عامہ کے مطابق دہشت گردوں نے خاران میں سڑک پر رکاوٹیں کھڑی کرنے اور مقامی ٹریفک میں خلل ڈالنے کی کوشش کی۔ سکیورٹی فورسز نے فوری کارروائی کرتے ہوئے دہشت گردوں کو نشانہ بنایا اور بھارت کی سرپرستی میں کام کرنے والے آٹھ دہشت گردوں کو ہلاک کر دیا۔

ایک اور کارروائی میں واشک ضلع میں دہشت گردوں کی موجودگی کی خفیہ اطلاعات کی بنیاد پر منظم کارروائی کی گئی۔

کارروائی کے دوران فوجی دستوں نے دہشت گردوں کے ٹھکانوں کو مکمل طور پر تباہ کر دیا اور شدید فائرنگ کے تبادلے کے بعد تین دہشت گرد ہلاک کر دیے ۔