افغانستان کے سابق نائب صدر عبدالرشید دوستم نے کہا ہے کہ نام نہاد طالبان امارت زیادہ دیر قائم نہیں رہے گی اور بالآخر اس کا خاتمہ ہو جائے گا۔

ایک بیان میں انہوں نے کہا کہ افغان عوام ان شہدا کی قربانیوں کو کبھی فراموش نہیں کریں گے جنہوں نے آزادی کی جدوجہد میں اپنی جانیں قربان کیں۔

انہوں نے مزید کہا کہ افغان نوجوان سیاسی طور پر باشعور ہیں اور آزادی کے لیے جانیں قربان کرنے والے شہدا کے مشن کو آگے بڑھانے کے لیے اعلی تعلیم حاصل کر رہے ہیں۔

عبدالرشید دوستم نے کہا کہ اعلی تعلیم یافتہ افغان نوجوان اب افغانستان کے مستقبل کا فیصلہ کریں گے۔

افغانستان کے چھ سال تک نائب صدر رہنے والے عبدالرشید دوستم کے اس دوٹوک مقف کو طالبان کے خلاف عوامی غصے میں اضافے کا عکاس قرار دیا گیا ہے۔