پنجاب کی وزیراعلیٰ مریم نواز شریف نے ضلعی سطح پر خصوصی روڈ مینٹیننس سکواڈ قائم کرنے کی ہدایت کی ہے۔
انہوں نے ویڈیو لنک اجلاس کی صدارت کرتے ہوئے کمشنرز اور ڈپٹی کمشنرز کو ترقیاتی منصوبوں کی کڑی نگرانی کرنے اور منظور شدہ ڈیزائن، تعمیراتی سامان اور تکنیکی معیار پر عمل درآمد یقینی بنانے کی ہدایت کی۔
انہوں نے شہر کے داخلی راستوں کیلئے جدید ڈیزائن، بہتر لینڈسکیپنگ اور مناسب پارکنگ، صحت و صفائی اور ٹریفک انتظامات کے ساتھ فوڈ اسٹریٹس قائم کرنے کی بھی ہدایت کی۔
