پاکستان اٹامک انرجی کمیشن کے چیئرمین ڈاکٹر راجہ علی رضا انور نے جوہری تحفظ اور سلامتی کا بین الاقوامی معیاربرقراررکھنے کے پاکستان کے پختہ عزم کا اعادہ کیا ہے۔

وہ ویانا میں جوہری توانائی کے بین الاقوامی ادارے کے بورڈ آف گورنرز کے اجلاس میں پاکستان کا قومی بیان پڑھ کرسنارہے تھے۔

چیئرمین پی اے ای سی نے جوہری تنصیبات کے محفوظ اور بحفاظت آپریشن کے پاکستان کے پانچ عشروں کو اجاگر کرتے ہوئے اسے جوہری تحفظ اور سلامتی کے مضبوط مقامی نظام کا مظہر قراردیا۔