وزیراعظم محمد شہباز شریف نے شارجہ سے کراچی آنے والے نجی کارگو طیارے کے بحیرہ عرب میں گر کر لاپتہ ہونے کے افسوسناک حادثے پر گہرے رنج و غم کا اظہار کیا ہے۔
انہوں نے طیارے میں سوار عملے کے پانچ ارکان کے اہل خانہ سے بھی دلی ہمدردی کا اظہار کیا ہے۔
وزیراعظم نے پاکستان سول ایوی ایشن، پاک بحریہ اور پاکستان ائیر فورس کو بحیرہ عرب میں سرچ اینڈ ریسکیو کی کارروائیاں تیز کرنے اور تمام ممکنہ وسائل بروئے کار لانے کی ہدایت کی ہے۔
