اسرائیلی فوج نے غزہ میں آج اپنے وحشیانہ حملوں میں سولہ فلسطینیوں کو شہید کردیا۔

محکمہ صحت کے حکام کے مطابق یہ فضائی حملے دیرالبلاح اور وسطی غزہ کے پناہ گزین کیمپ نصیرات میں کیئے گئے۔

شجاعیہ  میں گولہ باری سے ایک اور فلسطینی شہید اور کئی زخمی ہوگئے ۔

ادھر  اسرائیل کی جانب سے غزہ کی ناکہ بندی کے باعث امداد کا سلسلہ منقطع ہونے سے علاقے میں بحران مزید شدت اختیار کر گیا ہے ۔

غزہ میں خوراک فراہم کرنے والی اہم تنظیم ورلڈ سنٹرل کچن نے اعلان کیا ہے کہ اس نے کھانے پینے کی اشیاء کی تیاری کی تمام سرگرمیاں روک دی ہیں۔