وزیراعلیٰ بلوچستان میر سرفراز بگٹی نے عبدالرزاق کی غیر معمولی بہادری اور جرات کے اعتراف میں ان کیلئے سول اعزاز کا اعلان کیا ہے۔

عبدالرزاق نے تیزاب پھینکنے کے المناک واقعے کے دوران لیڈی ڈاکٹر ماہ نور ناصر کی زندگی بچانے میں مدد کی تھی۔

وزیراعلیٰ نے سماجی رابطے کی ویب سائٹ ایکس پر ایک بیان میں کہا کہ عبدالرزاق نے اپنی زندگی خطرے میں ڈال کر تیزاب سے متاثرہ خاتون کی مدد کی جو غیرمعمولی جرات اور ذمہ داری کی اعلیٰ مثال ہے۔

انہوں نے کہا کہ حکومت جان و مال کا تحفظ کرنے والوں اور انسانیت کی خدمت کرنے والے نوجوانوں کی حوصلہ افزائی کرتی رہے گی اور انہیں اعزازات دے گی۔