بھارت کے سکھ یاتری گرو ارجن دیو کی برسی کے سلسلے میں مذہبی تقریبات میں شرکت کیلئے واہگہ بارڈر کے ذریعے بدھ کو پاکستان پہنچیں گے۔
یاتری ننکانہ صاحب، سچا سودا فاروق آباد، پنجہ صاحب حسن بدال، دربار صاحب کرتارپور نارووال اور روہڑی صاحب ایمن آباد گوجرانوالہ میں گوردواروں کا دورہ کریں گے۔
مرکزی تقریب رواں ماہ کی سولہ تاریخ کو گوردوارہ ڈیرہ صاحب لاہور میں ہو گی۔
یاتری اس ماہ کی انیس تاریخ کو بھارت واپس روانہ ہوں گے۔
حکومت پاکستان نے اس موقع پر سکھ یاتریوں کیلئے ایک ہزار ویزے جاری کئے ہیں۔
