وزیراعظم شہبازشریف نے کہا ہے کہ پاکستان جیسے ترقی پذیر ملکوں کو گرانٹ کی صورت میں مالی مدد کی ضرورت ہے تاکہ وہ قدرتی آفات سے محفوظ بنیادی ڈھانچہ تعمیر کرسکیں۔

انہوں نے انٹرنیشنل بریتھ پاکستان کانفرنس کے سلسلے میں اپنے ویڈیو پیغام میں کہا کہ ایسی مدد کے بغیر ماحولیاتی ہم آہنگی اور ماحول دوست تبدیلی کی راہ ایک خواب ہی رہے گی۔

وزیراعظم نے کہا کہ موسمیاتی تغیرات دور حاضر کا نہایت اہم مسئلہ ہے ۔

انہوں نے کہا کہ زہریلی گیسوں کے اخراج میں پاکستان کا حصہ ایک فیصد سے بھی کم ہے لیکن وہ موسمیاتی تبدیلی سب سے زیادہ متاثرہ ملکوں میں شامل ہے جہاں موسمی حالات غیرمعمولی طورپر تبدیل ہورہے ہیں۔

وزیراعظم نے کہا کہ حکومت نے ان مسائل سے نمٹنے کیلئے نظم ونسق میں اصلاحات ، پالیسی پر عملدرآمد اور استعداد میں اضافے کو ترجیح دی ہے ۔