بنگلہ دیش کی بحریہ کے سربراہ ایڈمرل محمد نظم الحسن نے پاک بحریہ کے سربراہ ایڈمرل نوید اشرف سے نیول ہیڈ کوارٹرز اسلام آباد میں ملاقات کی۔
ملاقات کے دوران باہمی دلچسپی کے امور' خطے کی بحری حدود کے تحفظ اور دونوں ملکوں کے درمیان دوطرفہ بحری تعاون کے مواقع پر تبادلہ خیال کیا گیا۔
اس موقع پر تربیت' دوطرفہ دوروں اور پاکستان اور بنگلہ دیش کی بحری افواج کے درمیان دوطرفہ بحری مشقوں سمیت تعاون کے مواقع پر بھی بات چیت کی گئی۔
دورے پر آئے ہوئے معزز مہمان نے خطے میں بحری تحفظ کے حوالے سے تعاون کی کوششوں پر پاک بحری کے کردار کو سراہا۔
