اقوام متحدہ کے سیکرٹری جنرل انتونیو گوتریس نے بھارت اور پاکستان پر زور دیا ہے کہ وہ ضبط و تحمل کا مظاہرہ کریں اور فوجی تصادم سے گریز کریں جو قابوسے باہر ہو سکتا ہے۔

نیو یارک میں صحافیوں سے بات چیت کرتے ہوئے پاکستان اوربھارت کے درمیان کشیدگی کے معاملے پر انہوں نے کہا کہ دونوں ممالک کے درمیان صورتحال انتہائی کشیدہ ہے لیکن وقت کاتقاضا ہے کہ وہ کسی بھی جنگ سے گریزکریں۔

انہوں نے کہا کہ اقوام متحدہ کسی بھی ایسے اقدام کی حمایت کے لئے تیار ہے جس سے کشیدگی میں کمی، سفارتکاری اور امن کوفروغ ملے۔