صدر آصف علی زرداری نے بھارتی حکومت کے حالیہ غیر ذمہ دارانہ اور جارحانہ بیانات پر تشویش کا اظہار کرتے ہوئے کہا ہے کہ اس طرح کے اقدامات سے علاقائی امن و استحکام کو خطرہ لاحق ہے۔

وہ پاکستان میں چین کے سفیر (Jiang Zaidong) سے گفتگو کررہے تھے، جنہوں نے اسلام آباد میں ان سے ملاقات کی۔

چینی سفیر نے چین اور پاکستان کے درمیان پائیدار اور آزمودہ دوستی کا اعادہ کرتے ہوئے کہا کہ دونوں ممالک "آہنی برادر" ہیں، جنہوں نے ہمیشہ مشکل وقت میں ایک دوسرے کا ساتھ دیا ہے۔

چینی سفیر نے پاکستان کے نقطہ نظر کو چین کے ساتھ شیئر کرنے پر صدر مملکت کا شکریہ ادا کیااور اس امر پر زور دیا کہ چین جنوبی ایشیا میں امن و استحکام کی دونوں ممالک کی مشترکہ خواہش کے حصول کیلئے ہمیشہ پاکستان کی حمایت کرے گا۔

صدر مملکت نے پاکستان کی مسلسل حمایت پر چینی حکومت کا شکریہ ادا کیا۔