ایران کے وزیر خارجہ عباس عراقچی باہمی دلچسپی کے تمام شعبوں میں دوطرفہ تعاون کو مستحکم کرنے کے لئے پاکستانی قیادت کے ساتھ بات چیت کے لئے سرکاری دورے پر اسلام آباد میں ہیں۔
اپنے دورے کے دوران وہ صدر آصف علی زرداری، وزیراعظم شہبازشریف اور نائب وزیراعظم محمد اسحاق ڈار سے اہم ملاقاتیں کرینگے۔
فریقین علاقائی اور عالمی صورتحال پر بھی تبادلہ خیال کرینگے۔
پاکستان اور ایران کے درمیان قریبی دوطرفہ تعلقات ہیں جو مشترکہ تاریخ، ثقافت اور مذہب کی بنیاد پر استوار ہیں۔
ایرانی وزیر خارجہ سید عباس عراقچی کے دورے سے دونوں ملکوں کے درمیان موجودہ تعلقات مزید مستحکم ہونگے اور تعاون کو فروغ ملے گا۔
