منصوبہ بندی اور ترقی کے وزیر احسن اقبال نے معاشرے سے نفرت اور تعصب کے رجحان کے خاتمے کیلئے برداشت اور مفاہمت کے فروغ اور مختلف برادریوں کے درمیان بات چیت کے آغاز

کی ضرورت پر زور دیا ہے۔آج اسلام آباد میں ایک تقریب سے خطاب کرتے ہوئے انہوں نے کہا کہ تقسیم اور شدت پسندی کو ہوا دینے کیلئے بھی مذہب کا غلط استعمال کیا جاتا ہے تاہم انہوں نے کہا کہ ہمیں اسلام کی حقیقی

روح کو فروغ دینا چاہئے جس کا مقصد محبت' برداشت اور بقائے باہمی کا پیغام دینا ہے۔

وزیر منصوبہ بندی نے کہا کہ حکومت نے معاشرے سے تعصب اور نفرت کے خاتمے کیلئے ٹھوس اقدامات اٹھائے ہیں۔

انہوں نے کہا کہ حکومت کا ایک اہم اقدام پیغام پاکستان ہے جو انتہاپسندی اور نفرت کے خلاف قومی بیانیہ ہے۔