صدر آصف علی زرداری نے جرمن اتحاد کے دن کے موقع پروفاقی جمہوریہ جرمنی کے صدرDr. Frank-Walter Steinmeier اور عوام کو مبارکباد دی ہے۔

اپنے پیغام میں صدر نے کہا کہ پاکستان جرمنی کو ایک قابل اعتماد شراکت دار کی حیثیت سے قدر کی نگاہ سے دیکھتا ہے جبکہ دونوں ملکو ں کے درمیان باہمی تعلقات سیاسی، اقتصادی، توانائی، ثقافتی، تعلیمی، سائنسی اور تکنیکی شعبوں میں مسلسل فروغ پا رہے ہیں۔

انہوں نے یورپی یونین میں جرمنی کے اہم کردار اور پاکستان اور یورپی یونین کے درمیان تعلقات کو مستحکم بنانے میں جرمنی کی خدمات کو بھی سراہا۔

صدر نے امید ظاہر کی کہ وہ دونوں ممالک کے عوام کے مفاد میں Dr. Frank-Walter Steinmeier کیساتھ ملکر پاکستان اور جرمنی کے درمیان دوستی اور باہمی احترام پرمبنی تعلقات کو مزید فروغ دینے کیلئے قریبی تعاون جاری رکھیں گے ۔