وزیراعظم محمد شہباز شریف نے ہدایت کی ہے کہ ٹرین کے سفر میں عوام کی سہولت اور حفاظت کو یقینی بنانے کے لئے مزید مؤثر اقدامات اٹھائے جائیں۔
وہ وفاقی وزیر برائے ریلوے محمد حنیف عباسی سے گفتگو کر رہے تھے، جنہوں نے آج اسلام آباد میں ان سے ملاقات کی۔
وزیراعظم نے ریلوے ٹریکس کی بروقت مرمت اور دیکھ بھال کو یقینی بنانے کیلئے عملی اقدامات کی ضرورت پر زور دیا۔
انہوں نے ریلوے فریٹ سروس کو مزید فعال کرنے کی ضرورت پر بھی زور دیا۔
