چیئرمین وزیراعظم یوتھ پروگرام رانا مشہود احمد خاں نے تعلیمی اور ترقیاتی مواقع کے ذریعے فلسطینی نوجوانوں کی مدد کے لیے پاکستان کے عزم کا اعادہ کیا ہے۔
وہ اسلام آباد میں پاکستان کیلئے فلسطینی سفیر ڈاکٹر زوہیر محمد حماد اللہ زید سے گفتگو کر رہے تھے۔
رانا مشہود احمد خاں نے فلسطینی عوام کے لیے پاکستان کی مستقل حمایت کا اعادہ کرتے ہوئے کہا کہ پاکستان فلسطینیوں کی ہر ممکن مدد کے لیے اپنی تمام کوششیں جاری رکھے گا۔
فلسطینی سفیر نے وزیراعظم شہباز شریف کے اقدامات کو سراہا اور پاکستانی جامعات میں طبی تعلیم حاصل کرنے کے لیے فلسطینی نوجوانوں کو دعوت دینے پر پاکستان کا شکریہ ادا کیا۔
