وفاقی وزیرِ توانائی سردار اویس احمد خان لغاری نے کہا ہے کہ حکومت نے نجکاری کے ذریعے بجلی کے شعبے میں غیر مؤثر کارکردگی میں کمی لانے اور نتیجہ خیز اصلاحات متعارف کرانے پر توجہ مرکوز کررکھی ہے۔
ایک نجی ٹی وی چینل سے گفتگو کرتے ہوئے انہوں نے کہا کہ مختلف شعبوں میں نمایاں پیش رفت ہو ئی ہے، جن میں بجلی کی نجی پیداواری کمپنیوں کے ساتھ معاہدوں پر نظرثانی اور صنعتوں کے لیے بجلی کے نرخوں میں کمی کے اقدامات شامل ہیں۔
ایک سوال کے جواب میں انہوں نے کہا کہ حکومت بجلی ذخیرہ کرنے والی بیٹریاں لگانے سمیت شمسی توانائی کی حوصلہ افزائی کر رہی ہے تاکہ زیادہ طلب کے اوقات میں مہنگی بجلی پر انحصار کم کیا جا سکے۔
