وزیراعلیٰ پنجاب مریم نواز نے کہا ہے کہ پینے کے صاف پانی تک رسائی ہر شہری کا حق ہے۔
انہوں نے آج لاہور میں ایک اجلاس کی صدارت کرتے ہوئے متعلقہ حکام کو ہدایت کی کہ عوام کو پینے کے صاف پانی کی فراہمی یقینی بنائی جائے۔
انہوں نے صوبے بھر میں واٹر فلٹریشن پلانٹس کے ایک ہزار آٹھ سو چھیاسی منصوبے جلد مکمل کرنے کی ہدایت بھی کی۔
اجلاس میں پینے کے صاف پانی کی بوتلیں تیار کرنے والے چھ سو ستر پلانٹس کے قیام کی تجاویز کا بھی جائزہ لیا گیا۔
