نائب وزیراعظم اسحاق ڈار نے پاکستان میں پٹرولیم کی صنعت کی مدد اور توانائی میں خودکفالت کے حصول کیلئے حکومت کے غیرمتزلزل عزم کا اظہار کیا ہے۔
وہ پٹرولیم کی صنعت کے مسائل پر وزیراعظم کی طرف سے تشکیل کردہ کمیٹی کے دوسرے اجلاس کی صدارت کررہے تھے۔
کمیٹی نے پہلے اجلاس کے قابل عمل نکات پر پیشرفت کا جائزہ لیا۔
نائب وزیراعظم نے اب تک کی پیشرفت پر اطمینان کا اظہار کیا اور تمام اقدامات کو مؤثر طور پر آگے بڑھانے کا مشورہ دیا۔