نجکاری کے وزیر عبدالعلیم خان نے جواہرات اور قیمتی پتھروں کے کاروبار سے منسلک افراد کو ہر ممکن تعاون فراہم کرنے کا عزم کیا ہے۔
اسلام آباد میں وزیر اعظم کی رہبر کمیٹی برائے جواہرات کی صدارت کرتے ہوئے انہوں نے کہا کہ جواہرات اور قیمتی پتھروں کو صنعت کا درجہ دے کر لاکھوں ڈالر کمائے جاسکتے ہیں۔
انہوں نے کہا کہ وزیر اعظم اگلے چھ ماہ کے دوران اس شعبے میں عملی اور واضح پیشرفت دیکھنا چاہتے ہیں۔
عبدالعلیم خان نے کہا کہ تمام متعلقہ محکمے مل کر کام کریں اور جواہرات اور قیمتی پتھروں کے حوالے سے ایک متفقہ پالیسی تیار کریں۔ انہوں نے حکومتی پالیسی بنانے کے لئے ایک ذیلی کمیٹی بھی تشکیل دی۔