صنعت وپیداوارکے وزیر رانا تنویر حسین نے کہا ہے کہ یوٹیلٹی سٹورز کارپوریشن کو بند کرنے کا کوئی منصوبہ زیر غور نہیں ہے۔

وہ اسلام آباد میں یوٹیلٹی سٹورز کارپوریشن کے ملازمین کے ایک وفد سے گفتگو کررہے تھے۔

رانا تنویر حسین نے کہا یوٹیلٹی سٹور کارپوریشن کی تنظیم نو کیلئے مختلف طریقوں پر غور کیا جارہا ہے۔

انہوں نے کہا کہ مزید شفافیت لانے کیلئے زراعانت کا نیا نظام وضع کیا جارہا ہے۔

رانا تنویر حسین نے اس بات پر زور دیا کہ حکومت کی جانب سے ادارے کو بند کرنے کیلئے کوئی یکطرفہ قدم نہیں اٹھایاجائیگا۔