وزیراعظم شہباز شریف نے کہا ہے کہ ان کی توجہ عام آدمی کو ریلیف فراہم کرنے پر مرکوز ہے۔
سماجی رابطے کی ویب سائٹ ایکس پر ایک پوسٹ میں انہوں نے کہا کہ اگست میں مہنگائی کی سالانہ شرح کم ہو کر نو عشاریہ چھ فیصد پر آگئی ہے۔
ادارہ شماریات کے مطابق تقریباً تین برسوں میں پہلی بار یہ شرح ایک ہندسے پر آئی ہے۔
وزیر اعظم نے کہا کہ ہمارا کام مکمل نہیں ہوا اور ہمیں مزید کام کرنے کی ضرورت ہے تاہم ہم حقیقی ترقی کررہے ہیں۔
