منصوبہ بندی کے وزیر احسن اقبال نے بلوچستان حکومت کو ہدایت کی ہے کہ منصوبوں کی تکمیل میں حائل کسی بھی رکاوٹ کی نشاندہی کرکے اس کا فوری حل پیش کیا جائے۔
وہ اسلام آباد میں بلوچستان میں سرکاری شعبے کے ترقیاتی پروگرام کے منصوبوں پر پیش رفت کے جائزہ اجلاس کی صدارت کررہے تھے۔
وفاقی وزیر نے صوبے کی اہم ترین ضروریات کو پورا کرتے ہوئے بجٹ کو بہتر بنانے کی ضرورت پر زور دیا۔
انہوں نے کہا موجودہ معاشی مشکلات کے پیش نظر انتہائی اہم منصوبوں کے لئے وسائل مختص کرنا ضروری ہے۔
وزیر منصوبہ بندی نے حکام کو ہدایت کی کہ جن منصوبوں پر ستر فیصد سے زیادہ کام مکمل ہوچکا ہے انہیں جلد از جلد مکمل کیا جائے۔
انہوں نے بلوچستان میں جاری منصوبوں پر کام کی نگرانی کیلئے خلائی اورفضائی تحقیق کے کمیشن کے ذریعے سیٹلائٹ کو استعمال کرنے کی بھی ہدایت کی۔
