انفارمیشن ٹیکنالوجی کی وزیر شزا فاطمہ نے کہا ہے کہ حکومت نے سیمی کنڈکٹر اور چپ ڈیزائننگ کے بارے میں چار ارب پچاس کروڑ روپے کا ایک پروگرام شروع کیا ہے۔

انہوں نے آج اسلام آباد میں ایک تقریب سے خطاب کرتے ہوئے کہا کہ اس اقدام کا مقصد اس خصوصی شعبے میں تقریباً سات ہزار دو سو انجینئرز کو تربیت دینا ہے۔ انہوں نے کہا کہ اس وقت تین سو کے قریب طلباء مختلف جامعات میں تربیت حاصل کر رہے ہیں۔

انہوں نے کہا کہ یہ پروگرام دور حاضر کی ضروریات کے مطابق نوجوانوں کو فنی مہارت سے لیس کر کے ان کیلئے ملازمتوں کے حصول میں اضافے کی غرض سے تربیت دیا گیا ہے۔

انہوں نے کہا کہ اس تربیتی پروگرام کے بعد تھرڈ پارٹی evaluation کرائی جاتی ہے تاکہ اس کے اثرات کا جائزہ لیا جائے اور روزگار کے مواقع کا اندازہ لگایا جائے۔