چیئرمین سینیٹ سید یوسف رضا گیلانی نے بلغاریہ اور یورپی یونین کے ساتھ باہمی دلچسپی کے شعبوں میں تعاون کو فروغ دینے کے پاکستان کے عزم کا اعادہ کیا ہے۔
یہ بات انہوں نے پاکستان میں بلغاریہ کی سفیر ارینا گیناڈیوا گانچیوا سے گفتگو کرتے ہوئے کہی، جنہوں نے اسلام آباد میں ان سے ملاقات کی۔
سید یوسف رضا گیلانی نے دو طرفہ روابط کو مزید مضبوط بنانے کے لیے پاکستان کے عزم کا اعادہ کیا۔
بلغاریہ کی سفیر نے امن، استحکام اور سفارتی روابط کو فروغ دینے کے لیے پاکستان کی کوششوں کو سراہا۔
