فائل فوٹو

وزیراعظم محمد شہباز شریف نے بحیرہ روم میں مسافر بردار جہاز الٹنے کے افسوسناک واقعے پر گہرے دکھ  اور افسوس کا اظہار کیا ہے۔

سماجی رابطے کی ویب سائٹ ایکس پر ایک بیان میں انہوں نے ترک صدر رجب طیب اردوان، حکومت اور سوگوار خاندانوں سے دلی تعزیت کا اظہار کیا۔

وزیراعظم نے لاپتہ افراد کی جلد اور بحفاظت واپسی کے لیے دعا کی اور امدادی اور تلاش کی جاری کارروائیوں کو سراہا۔

انہوں نے کہا کہ اس مشکل وقت میں پاکستان کے عوام برادر ملک ترکیہ کے عوام کے ساتھ یکجہتی کا اظہار کرتے ہیں۔