پنجاب کی وزیراعلیٰ مریم نواز نے تجویز کیا ہے کہ ٹیکنالوجی کی منتقلی، مقامی سطح پر پیداوار، مصنوعی ذہانت، ڈیجیٹل جدت اور جدید زراعت کے شعبوں میں پاکستان اور چین کے درمیان تعاون کو فروغ دیا جائے۔

انہوں نے یہ بات GUIZHOU صوبے کے پارٹی سیکرٹری He Zhongyu اور چینی وفد کے ساتھ GUIZHOU صوبے کے شہر Guiyang میں ملاقات کے دوران کہی۔

انہوں نے ٹیکنالوجی کی منتقلی اور مقامی پیداوار کے فروغ کے لیے کاروباری اور سرمایہ کاری کانفرنس منعقد کرنے کی تجویز بھی دی۔

مریم نواز نے غربت کے خاتمے کیلئے چین کے تجربے سے فائدہ اٹھا کر خطِ غربت سے نیچے زندگی گزارنے والے لوگوں کے حالات بہتر بنانے کی خواہش کا اظہار کیا۔

مریم نواز نے کہا کہ پنجاب بھر میں سڑکوں کی تعمیر، بحالی اور توسیع کے پچاس ہزار سے زائد منصوبے مکمل کیے جا چکے ہیں۔

انہوں نے کہا کہ پنجاب پاکستان کا پہلا صوبہ ہے جس نے نظم و نسق اور عوامی خدمات کی فراہمی میں مصنوعی ذہانت کے استعمال کو باقاعدہ نظام کا حصہ بنایا ہے۔