پنجاب حکومت نے صوبے کے شہری علاقوں میں سیلاب سے ہونے والے نقصانات کم کرنے کیلئے مشینری کی خریداری کی منظوری دی ہے۔

یہ منظوری آج (جمعہ) لاہور میں وزیر اعلیٰ مریم نواز کی زیر صدارت ہونے والے اجلاس میں دی گئی۔ اجلاس میں شہروں اور دریائوں میں شدید سیلاب سے نمٹنے کے اقدامات کا جائزہ لیا گیا۔ اجلاس میں متعلقہ اداروں کو ہدایت کی گئی کہ موٹرویز،ہائی ویز اور ریلوے لائنوں کے نیچے سیلاب کے راستوں کی صفائی یقینی بنائیں۔