موسمیاتی تبدیلی کے وزیر مصدق ملک نے ملک میں موسمیاتی تبدیلی کے تباہ کن اثرات کا مقابلہ کرنے کے لیے جدید ٹیکنالوجی اور تحقیق پر مبنی جدت اپنانے کی ضرورت پر زور دیا ہے۔
انہوں نے یہ بات آج اسلام آباد میں گرین اسکلز ڈیولپمنٹ انیشی ایٹو کے حوالے سے ایک تقریب سے خطاب کر تے ہوئے کہی۔
مصدق ملک نے کہا کہ پاکستان دنیا میں موسمیاتی تبدیلی کے باعث ہونے والی تباہی سے سب سے زیادہ متاثر ہ ملک ہے۔
انہوں نے کہا کہ گزشتہ دس سال کے دوران موسمیاتی تبدیلی کے باعث تقریباًچھ ہزار افراد جاں بحق اور بیس ہزار زخمی جبکہ چار کروڑ افراد بے گھر ہوئے۔
موسمیاتی تبدیلی کے وزیر نے کہا کہ پاکستان کو روایتی تربیتی ورکشاپس اور عارضی اقدامات سے آگے بڑھتے ہوئے جدت پر مبنی ایسا طریقہ کار اپنانا چاہیے جو سائنسی تحقیق، عملی مہارتوں، کاروباری سرگرمیوں اور سرمایہ کاری کو آپس میں مربوط کرے۔
