خزانے کے وزیر مملکت بلال اظہر کیانی نے فیڈرل بورڈ آف ریونیو کو ہدایت کی ہے کہ دکانداروں اور وکلا کی جانب سے آسان ٹیکس سکیم پر عملدرآمد کے حوالے سے اٹھائے گئے تکنیکی اعتراضات کو فوری دور کیا جائے۔

انہوں نے یہ ہدایات اسلام آباد میں آسان ٹیکس سکیم کے حوالے سے جائزہ اجلاس کی صدارت کرتے ہوئے جاری کیں۔

وزیر مملکت نے متعلقہ حکام کو ہدایت کی کہ گوشوارے جمع کرانے والے دکانداروں کو جلد از جلد ایف بی آر پلیٹس فراہم کی جائیں۔

اجلاس کو بتایا گیا کہ اس سکیم کے آغاز کے ایک ماہ کے اندر نو ہزار آٹھ سو سے زائد دکاندار آسان ٹیکس اسکیم میں شامل ہو چکے ہیں۔