پاکستان میں براہِ راست غیر ملکی سرمایہ کاری میں نمایاں اضافہ ریکارڈ کیا گیا ہے، جو ملک میں سرمایہ کاری اور معاشی سرگرمیوں میں بہتری کی عکاسی کرتا ہے۔

مشیر وزیر خزانہ خرم شہزاد کے مطابق پاکستان میں براہِ راست غیر ملکی سرمایہ کاری اگست میں 316 ملین ڈالر تک پہنچ گئی۔

انہوں نے کہا کہ براہِ راست غیر ملکی سرمایہ کاری کے یہ اعداد و شمار رواں سال کی بلند ترین ماہانہ سطح کو ظاہر کرتے ہیں۔

خرم شہزاد کے مطابق چین، کینیڈا اور متحدہ عرب امارات نے براہِ راست غیر ملکی سرمایہ کاری میں اہم کردار ادا کیا، جبکہ منافع کی واپسی میں کمی کے باعث بھی سرمایہ کاری میں بہتری آئی۔

انہوں نے کہا کہ غیر ملکی سرمایہ کاری میں اضافہ پاکستان میں سرمایہ کاری کے بڑھتے رجحان اور معاشی سرگرمیوں میں بہتری کی عکاسی کرتا ہے۔