انفارمیشن ٹیکنالوجی اور ٹیلی مواصلات کی وزیر شزہ فاطمہ خواجہ نے ڈیجیٹل معیشت اور ٹیکنالوجی کے شعبوں میں پاکستان اور جنوبی کوریا کے درمیان تعاون کے مواقع تلاش کرنے کے لیے سیئول میں پینگیو ٹیکنو ویلی کا دورہ کیا۔

عالمی ٹیکنالوجی مرکز پہنچنے پر انہیں اس مرکز کے کام اور اس کی جدید ترین اختراعات کے بارے میں بریفنگ دی گئی۔

شزہ فاطمہ خواجہ نے کہا کہ پاکستان جنوبی کوریا کے جدید ٹیکنالوجی کے ماڈلز سے فائدہ اٹھا سکتا ہے۔ انہوں نے کہا کہ دونوں ملک تکنیکی معلومات اور تجربات کے تبادلے پر متفق ہیں۔

اس دورے کا مقصد پاکستان کے ڈیجیٹل وژن کو فروغ دینا اور دنیا کے معروف ٹیکنالوجی اداروں کے ساتھ تعاون قائم کرنا تھا۔