نائب وزیراعظم محمد اسحاق ڈار نے نیویارک میں اقوام متحدہ کی جنرل اسمبلی کے 81 ویں اجلاس کے موقع پر جرمنی کے وزیر خارجہ JOHANN WADEPHUL سے ملاقات کی۔
دونوں جانب سے پاکستان اور جرمنی کے درمیان سفارتی تعلقات کے قیام کی پچھترویں سالگرہ پر ایک دوسرے کو مبارکباد دی گئی۔
انہوں نے دیرینہ اور دوستانہ دوطرفہ تعلقات مزید مضبوط بنانے کے لیے اعلیٰ سطح کے روابط جاری رکھنے کی اہمیت کا اعادہ کیا۔
فریقین نے بالخصوص تجارت، سرمایہ کاری، اقتصادی تعلقات اور کاروباری روابط کے شعبوں میں دوطرفہ تعاون کو مزید وسعت دینے کے طریقوں پر تبادلہ خیال کیا۔
انہوں نے دفاع، تعلیم اور عوامی روابط کے شعبوں میں تعاون بڑھانے پر بھی اتفاق کیا۔
