امور داخلہ کے وزیر مملکت طلال چوہدری نے کہا ہے کہ خیبر پختونخوا کابینہ کی جانب سے منظور کیا گیا خیبر پختونخوا پولیس ایکٹ دو ہزار چھبیس پاکستان کے آئین اور پولیس سروس آف پاکستان کے قواعد سے متصادم ہے۔

انہوں نے آج اسلام آباد میں ایک نیوز کانفرنس سے خطاب کرتے ہوئے کہا کہ مجوزہ قانون، جسے صوبائی اسمبلی کے سامنے پیش کیا جائے گا، پولیس فورس کے کمانڈ ڈھانچے کو کمزور کرے گا۔

طلال چوہدری نے واضح کیا کہ صوبوں کے پاس قانون سازی کے مکمل اختیارات نہیں ہیں اور وہ پولیس سروس آف پاکستان کے قواعد میں ترمیم نہیں کر سکتے۔

پی ٹی آئی کی جانب سے لانگ مارچ کی کال سے متعلق ایک سوال کے جواب میں وزیر مملکت نے کہا کہ وفاقی دارالحکومت جانے والے تمام راستے کھلے ہیں۔