وزیر خزانہ محمد اورنگزیب نے کہا ہے کہ پاکستان پانڈا بانڈز کیلئے چین کی سرمائے کی منڈی کو استعمال کرنے کا خواہشمند ہے۔
انہوں نے چائنہ گلوبل ٹیلی ویژن نیٹ ورک کو ایک انٹرویو میں کہا کہ چین نے مالی معاونت، ٹیکنالوجی اور علم و فن کی منتقلی کیلئے ہمیشہ پاکستان سے تعاون کیا ہے۔
وزیر خزانہ نے کہا کہ چین پاکستان اقتصادی راہداری کے دوسرے مرحلے میں ملک میں چینی سرمایہ کاری لانے پر توجہ دی جارہی ہے اور ہم چین سے پاکستان میں صنعتوں کی منتقلی کے مواقع بھی تلاش کررہے ہیں۔
