پاکستان اور ترکیہ کے مابین مختلف شعبوں میں تعاون سے متعلق اجلاس ہوا جس کی صدارت نائب وزیراعظم محمد اسحاق ڈار نے کی۔
اجلاس میں تجارت معیشت اور سرمایہ کاری کے شعبہ جات میں معاونت پر غور کیا گیا۔
اسحاق ڈار نے پاکستان اور ترکیہ کے مابین اکنامک فریم ورک 2024 کا بھی جائزہ لیا۔
نائب وزیراعظم کی زیر صدارت اجلاس میں دونوں ممالک کے درمیان معاشی تعلقات کی مزید مضبوطی کے منصوبے زیر غور آئے۔
اسلام آباد میں منعقد ہونے والا اجلاس ساتویں اعلیٰ سطحی اسٹرٹیجک کوآپریشن کونسل کی تیاریوں کا حصہ ہے۔
