نائب وزیراعظم سینیٹر محمد اسحاق ڈار نے کہا ہے کہ مقامی صارفین کو قیمتوں میں بلاجواز اضافے سے بچانا حکومت کی اولین ترجیح ہے۔
آج اسلام آباد میں اضافی چینی کی برآمد سے متعلق کمیٹی کے اجلاس کی صدارت کرتے ہوئے انہوں نے متعلقہ وزارتوں کو ہدایت کی کہ مارکیٹ میں استحکام برقرار رکھنے کے لیے اشیائے ضروریہ کی فراہمی کے نظام کی کڑی نگرانی کی جائے۔
اجلاس کے دوران ملک میں چینی کے موجودہ ذخائر اور مقامی ضروریات کا تفصیلی جائزہ لیا گیا، جبکہ ایسے احتیاطی اقدامات پر بھی غور کیا گیا جن سے چینی کی برآمد کی اجازت دیتے وقت مقامی منڈی میں قیمتوں کا توازن برقرار رکھا جا سکے۔