سنٹرل ڈویلپمنٹ ورکنگ پارٹی نے ایک سو ستاسی ارب روپے مالیت کے بارہ ترقیاتی منصوبوں کی منظوری دی ہے۔
یہ منظوری وفاقی وزیر منصوبہ بندی و خصوصی اقدامات اور منصوبہ بندی کمیشن کے ڈپٹی چیئرمین احسن اقبال کی زیر صدارت اسلام آباد میں ایک اجلاس میں دی گئی۔
ان منصوبوں میں انیس ارب روپے مالیت کے چھ منصوبوں کی منظوری سنٹرل ڈویلپمنٹ ورکنگ پارٹی فورم نے دی جبکہ فورم نے ایک سو اڑسٹھ ارب روپے مالیت کے چھ منصوبے غوروخوص کے لئے قومی اقتصادی کونسل کی ایگزیکٹو کمیٹی کو بھجوا دئیے۔
