فائل فوٹو
پاکستان سمیت آٹھ عرب اور اسلامی ممالک نے مقبوضہ فلسطینی علاقوں میں اسرائیل کی مسلسل غیر قانونی آباد کاری کی پالیسیوں کی واضح الفاظ میں مذمت کی ہے۔
ایک مشترکہ بیان میں پاکستان، مصر، ترکیہ، انڈونیشیا، اردن، قطر، سعودی عرب اور متحدہ عرب امارات کے وزرائے خارجہ نے مقبوضہ مشرقی بیت المقدس کے مشرق میں ای ون آبادکاری منصوبے اور اس سے متعلقہ آبادکاری کی سرگرمیوں کو بھی سختی سے مسترد کر دیا۔
