وزیراعظم شہباز شریف نے خلیجی خطے میں حالیہ کشیدگی پر سخت تشویش کا اظہار کرتے ہوئے تمام فریقین پر زور دیا ہے کہ وہ تحمل کا مظاہرہ کریں اور ایسے اقدامات سے گریز کریں جن سے خطہ مزید عدم استحکام کا شکار ہو سکتا ہے۔
وہ ایرانی وزیر داخلہ اسکندر مومنی سے گفتگو کر رہے تھے، جنہوں نے اسلام آباد میں ان سے ملاقات کی۔
وزیراعظم نے کہا کہ پاکستان ایک ایماندار اور مخلص ثالث اور سہولت کار کے طور پر اپنا کردار ادا کرتا رہے گا۔
انہوں نے علاقائی امن اور استحکام کے لیے پاکستان کے پختہ عزم کا اعادہ کیا۔
ایرانی وزیر داخلہ اسکندر مومنی نے وزیراعظم، نائب وزیراعظم اسحاق ڈار اور فیلڈ مارشل سید عاصم منیر کی انتھک ثالثی کی کوششوں کی تعریف کی، جس کے نتیجے میں اسلام آباد مفاہمتی یادداشت طے پائی۔
