پارلیمانی امور کے وزیر طارق فضل چوہدری نے کہا ہے کہ وزیراعظم کی فیول ریلیف سکیم سے دو کروڑ چالیس لاکھ افراد مستفید ہو رہے ہیں۔

اسلام آباد میں نیوز کانفرنس سے خطاب کرتے ہوئے انہوں نے کہا کہ یہ ٹارگٹڈ سبسڈی ہے جسے ملک بھر میں نافذ کیا گیا ہے۔ انہوں نے کہا کہ سکیم میں رجسٹریشن کے لیے آسان اور شفاف طریقہ کار متعارف کرایا گیا ہے۔

طارق فضل چوہدری نے کہا کہ حکومت نے موجودہ صورتحال کے پیش نظر کفایت شعاری کے اقدامات بھی کیے ہیں، جن میں سرکاری گاڑیوں کے لیے ایندھن کی فراہمی میں پچاس فیصد کمی بھی شامل ہے۔

بعض سیاسی جماعتوں کی جانب سے متوقع احتجاج کے بارے میں ایک سوال کے جواب میں انہوں نے کہا کہ حکومت وفاقی دارالحکومت میں امن و امان برقرار رکھنے کی اپنی ذمہ داری پوری کرے گی۔