مذہبی امور اور بین المذاہب ہم آہنگی کے وزیر سردار محمد یوسف نے مدینہ منورہ میں پاکستانی حجاج کی رہائش گاہوں کا دورہ کیا۔
وفاقی وزیر نے عازمین سے رہائش، کھانے، ٹرانسپورٹیشن اور دیگر سہولیات کے بارے میں دریافت کیا۔
حجاج نے حج انتظامات کو شاندارقرار دیا۔
انہوں نے معاونین کے باوقار طرز عمل، فوری مدد اور خدمت کے جذبے پر ان کے کردار کی تعریف کی۔
حجاج کرام نے خاص طور پر اپنے مقدس سفر کے دوران آرام دہ انتظامات کو یقینی بنانے میں حکومت کی کوششوں کو بھی سراہا۔
