وزیرمذہبی امور اور بین المذاہب ہم آہنگی سردار محمد یوسف نے کہاہے کہ بعداز حج پروازیں اگلے ماہ کی دس تاریخ تک جاری رہیںگی۔

انہوں نے پیر کے روز مدینہ منورہ میں ریڈیو پاکستان کے نمائندے عبدالرحمن چیمہ سے گفتگو کرتے ہوئے حجاج کرام کی سہولت کیلئے مثالی انتظامات کرنے پر پاکستان حج مشن کی تعریف کی۔

وفاقی وزیر نے کہا سعودی حکومت کے شیڈول اور حج پالیسی کی روشنی میں آئندہ سال کے حج کی تیاریاں شروع کردی گئی ہیں۔

حجاج کرام کو حجاز مقدس کا سفر کامیابی سے مکمل کرنے پر مبارکباد دیتے ہوئے انہوں نے کہا کہ وزیراعظم شہبازشریف نے واضح طور پر ہدایت کی تھی کہ اللہ کے مہمانوں کو تمام ممکنہ سہولتوں کی فراہمی یقینی بنائی جائے۔