وزیر بحری امور محمد جنید انوار چوہدری نے پاکستان کی ٹیکسٹائل برآمدات کی مسابقتی صلاحیت کو متاثر کرنے والی بندرگاہوں اور کسٹمز کی رکاوٹوں کے حل کے لیے فوری اور عملی اقدامات کی ضرورت پر زور دیا ہے۔
وہ اسلام آباد میں بندرگاہوں پر ٹیکسٹائل برآمد کنندگان کو درپیش مسائل کے حوالے سے ایک اجلاس کی صدارت کر رہے تھے۔
وفاقی وزیر نے متعلقہ حکام کو ہدایت کی کہ کلیئرنس کے عمل کو بہتر بنانے کے لیے برآمد کنندگان، بندرگاہوں کے حکام، کسٹمز، پی ایس ڈبلیو اور شپنگ لائنز کے ساتھ قریبی رابطے میں کام کریں۔
