خواتین کے بارے میں دو روزہ نویں او آئی سی وزارتی کانفرنس آج اسلام آباد میں ختم ہو گئی۔

وزیر قانون و انصاف اعظم نذیر تارڑ نے کانفرنس کے اختتام کے بعد ایک نیوز کانفرنس سے خطاب کرتے ہوئے کہا کہ یہ پاکستان کے لیے اعزاز کی بات ہے کہ وہ آئندہ دو سال کے لیے خواتین سے متعلق اسلامی تعاون تنظیم کی وزارتی کانفرنس کی سربراہی سنبھالے گا۔

اس موقع پر خطاب کرتے ہوئے او آئی سی کے اسسٹنٹ سیکرٹری جنرل طارق علی نے اپنے پختہ یقین کا اظہار کیا کہ پاکستان خواتین کو بااختیار بنانے کے شعبوں میں مزید کامیابیاں حاصل کرے گا۔